རྡོ་སྦིས་དགེ་བཤེས་རིན་པོ་ཆེ་དྲན་གླུ།

གཞས་ཚིག ཡ་རྫི་ཚེ་རིང་བཀྲ་ཤིས།
གཞས་དབྱངས། རྡོ་བསྟན་པ་དར་རྒྱས།
གཞས་པ། རྡོ་བསྟན་པ་དར་རྒྱས།
རོལ་མོ་བ། བཀྲ་ཤིས་ཚེ་བརྟན།

༠༡ མཁྱེན་བརྩེ་ནུས་གསུམ་གྱི་བདག་པོ།
མཁས་བཙུན་བཟང་གསུམ་གྱི་བླ་མ།
རྡོ་སྦིས་དགེ་བཤེས་ཆེན་མོ།
ཁྱེད་ནི་འཛམ་གླིང་མཁས་པའི་རྒྱན་གཅིག་ཡིན།
ཁྱེད་ནི་འཇམ་དཔལ་དགྱེས་པའི་བློ་གྲོས་ཡིན།
ཨ་་་་
ཡོངས་ཀྱི་དགེ་བའི་བཤེས་གཉེན།
རྗེ་བཙུན་ཤེས་རབ་རྒྱ་མཚོ།

༠༢ སྐྱབས་གསུམ་ཀུན་འདུས་ཀྱི་བླ་མ།
མདོ་སྔགས་བསྟན་པ་ཡི་བདག་པོ།
རྡོ་སྦིས་དགེ་བཤེས་ཆེན་མོ།
ཁྱེད་ནི་སངས་རྒྱས་བསྟན་པའི་སྲོག་ཤིང་ཡིན།
ཁྱེད་ནི་ཁ་བ་ཅན་གྱི་བུ་རྒོད་ཡིན།
ཨ་་་་
ཡོངས་ཀྱི་དགེ་བའི་བཤེས་གཉེན།
རྗེ་བཙུན་ཤེས་རབ་རྒྱ་མཚོ།