མཐོ་སྒང་གི་ནོར་གནག

མཐོ་སྒང་གི་ནོར་གནགཉན་ཐེངས།

སྒྲོལ་མ་སྐྱབས།

སྤེལ་དུས།2018-04-13 15:38:20

སྐད་རིགས།བོད་སྐད།

རིགས་གྲས།དེང་གཞས།

གཞས་ཚིག

མཐོ་སྒང་གི་ནོར་གནག

ཚིག གྲི་རྐྱང་ཚེ་རིང་རྡོ་རྗེ།
དབྱངས། ལྷ་རྗེ་ཀུན་བཟང་།
གཞས་གཏོང་མཁན། སྒྲོལ་མ་སྐྱབས།

སྲིད་པ་ས་ཡི་དང་པོ་ལ།
གངས་དཀར་པོའི་ཕ་ས་འབྲོང་གིས་བཟུང་།
ངའི་ཡབ་མེས་བཟང་པོའི་དཔའ་སྟོབས་ཀྱིས།
འབྲོང་རྒོད་ཁ་བའི་གཡང་ལ་བཀུག
གཡང་དཀར་པོ་འདི་ཡི་བཀའ་དྲིན་ལ།
འབྲོང་མཐིང་སྨུག་སྦྲ་ཡི་ཕ་གཞིས་ཆགས།
བརྩེ་བའི་མཐོ་སྒང་གི་གཅེས་ནོར་ལགས།
ཨ། ནོར་གནག
མཐོ་སྒང་གི་ནོར་གནག
ང་མགོ་ནག་བརྟེན་ས་ནོར་གནག་རེད།

འཇིག་རྟེན་སྲིད་པའི་ཡང་རྩེ་ནས།
གངས་དཀར་པོའི་ཕ་ས་ནོར་གྱིས་བརྒྱན།
ངའི་མ་སྲི་མཛངས་མའི་བློ་སྟོབས་ཀྱིས།
འབྲི་མོ་འོ་མའི་གཡང་ལ་བཀུག
གཡང་དཀར་པོ་དེ་ཡི་བཀའ་དྲིན་གྱིས།
འབྲོག་སྦྲ་ནག་འཚོ་བ་སྐྱིད་ལ་རོལ།
བརྩེ་བའི་མཐོ་སྒང་གི་གཅེས་ནོར་ལགས།
ཨ། ནོར་གནག
མཐོ་སྒང་གི་ནོར་གནག
ང་མགོ་ནག་བརྟེན་ས་ནོར་གནག་རེད།

སྤྱིའི་དགའ་བསུ་ཐོབ་ཤོས།

རེབ་འདིའི་ཚ་ཤོས།

སྐད་འཕྲིན: TBTnews
པོད་ཕྲན: http://weibo.com