སུ་ཞིག་བསམ་ནས་ཆས།
གཞས་ཚིག ཁ་སྒང་སྤྱན་འབངས།
གཞས་གདངས།ཡོན་ཏན་མགོན་པོ།
གཞས་མཁན། ཚེ་རིང་བསམ་གྲུབ། ཡོན་ཏན་མགོན་པོ།

སེམས་ཀྱི་མི་ཁྱོད་གང་དུ་ཆས།།
འདང་ཅན་སུ་ཞིག་བསམ་ནས་ཆས།།
ང་ཡིས་ཁྱེད་རང་སྙིང་ནས་དྲན།།
དྲན་པའི་སེམས་ལ་ཁ་བ་བབས།།

སེམས་ཀྱི་མི་ཁྱོད་གང་དུ་ཡོད།།
སུ་དང་གང་གི་མཉམ་དུ་ཡོད།།
སེམས་ཀྱི་གསང་བ་ཕྲ་མོ་ཡང་།།
སུ་དང་གང་ལ་བརྗོད་ནས་ཡོད།།

སེམས་པ་མེ་ལ་ཁྱོད་ཀྱིས་བསྒྲོན།།
བཞག་པའི་དམ་ཚིག་ཁྱོད་ཀྱིས་བཤིག།
ཁྱོད་ཀྱིས་བསྐྱུར་བའི་སྡུག་བསྔལ་འདི།།
སུ་དང་གང་གིས་རྟོགས་ཐབས་བྲལ།།



སེམས་ཀྱི་མི་ཁྱོད་གང་དུ་ཆས།།
འདང་ཅན་གང་ཞིག་བསྙེགས་ནས་ཆས།།
ང་ཡིས་ཁྱེད་རང་སྙིང་ནས་དྲན།།
དྲན་པའི་མིག་ལ་མཆི་མ་འཁོར།།


སེམས་ཀྱི་མི་ཁྱོད་གང་དུ་ཡོད།།
སུ་དང་གང་གི་མཉམ་དུ་ཡོད།།
ཚེ་གཅིག་སེམས་ཀྱི་འདུན་མ་ཡང་།།
སུ་དང་གང་ལ་བཅོལ་ནས་ཡོད།།

སྙིང་ལ་རྨ་ཁ་ཁྱོད་ཀྱིས་བཟོས།།
བཞག་པའི་དམ་བཅའ་ཁྱོད་ཀྱིས་བཤིག།
ཁྱོད་ཀྱིས་བསྐྱུར་བའི་སྡུག་བསྔལ་འདི།།
སུ་དང་གང་གིས་རྟོགས་ཐབས་བྲལ།།