ཁ་པར་ནང་གི་བྱམས་པ།
གཞས་ཚིག ཚུལ་ཁྲིམས་རྒྱལ་མཚོ།
དབྱངས། གདུགས་དཀར་ཡག
ལེན་མཁན། གདུགས་དཀར་ཡག འོད་མཚོ།

ལྷད་མེད་བརྩེ་བའི་དབང་གིས།།
ཁ་པར་ཡང་ཡང་བཏང་ཡོད།།
ཁྲེལ་མེད་སྙིང་གི་བྱམས་པས།།
སྐུད་ལམ་བདག་ལ་མ་གཡར།།

མཇལ་འཛོམས་མེད་པས་བྱམས་པ།།
ཁ་པར་ནང་ནས་འཛོམས་སོང་།།
ལག་བརྡ་མེད་པའི་གྱེས་ཕྱག།
སྐུད་མེད་གློག་ལ་བཞག་སོང་།།

ཁ་པར་ནང་གི་བྱམས་པ།།
ཁ་ཁར་འགྲོ་འདོད་མེད་ཀྱང་།།
ཁ་པར་སྐུད་ལམ་མ་དབང་།།
ཁ་ཁར་མི་འགྲོ་ཐབས་མེད།།

ཁ་པར་ནང་གཏོང་དགོང་གཏོང་།།
སྙིང་གཏམ་གཅིག་བཤད་གཉིས་བཤད།།
རང་སྣང་ཁྱོད་མཐོ་ང་མཐོ།།
འབྲེལ་བ་གཏིང་ཆད་དགུ་ཆད།།

གྲོགས་ལ་ཕྱི་ཐག་མེད་ན།།
གློག་ལ་སྐུད་ལམ་ཡོད་ཀྱང་།།
སེམས་ཀྱི་བརྩེ་བ་དམ་པོ།།
ངམ་ངམ་ཤུགས་ཀྱིས་ལྷོད་འགྲོ།།