གཞས་པ་ཚེ་རིང་དོན་གྲུབ་ཀྱི་གཞས་སྡེར་གསར་བ་འགྲེམ་སྤེལ་བྱས་པ།
2014-01-23 09:44:41 ཡོང་ཁུངས། དྲ་ཐོག་ནས་འདོན་སྤྲོད་བྱས། ཀློག་གྲངས།
2014ལོའི་ཟླ1པོའི་ནང་འབའ་ཐང་གཞས་པ་ཚེ་རིང་དོན་གྲུབ་ཀྱི་གཞས་སྡེར་གསར་བ《སེམས་དཔའ་ཆེན་པོ》ཞེས་པ་དངོས་སུ་ཚོང་རར་འགྲེམ་སྤེལ་བྱས་ཡོད་ལ། དེ་དང་ཆབས་ཅིག་གླུ་གཞས་དགོང་ཚོགས་ཀྱང་རྨ་ཡུལ་མགོ་ལོག་ནས་ཟབ་རྒྱས་ངང་བསྡུས།
《སེམས་དཔའ་ཆེན་པོ》ཞེས་པའི་གཞས་སྡེར་ཆེད་བསྒྲིགས་འདིའི་ནང་དུ་སྐུ་ཞབས་སྨན་བླ་སྐྱབས་དང་མཉམ་འབྲེལ་བྱས་པའི«འབའ་ཐང་ལུ་གུའི་རྩེད་ཐང»རྗེས་ཀྱི་གླུ་གཞས་གསར་བ་དག་ཕྱོགས་བསྒྲིགས་བྱས་ཡོད་ཅིང་། དེ་རུ་རང་དབང་རྩོམ་པ་པོ་འོད་ཟེར་དང་སྒོ་ཡོན་སོགས་ཀྱི་གཞས་ཚིག་དང་། ཆེད་ལས་རོལ་མོ་བ་ཏན་ཏན་སོགས་ཀྱི་རོལ་མོ་བསྡུས་ཡོད་པས། ཚིག་དབྱངས་རོལ་གསུམ་གང་ལ་བལྟས་ན་ཡང་། ཉན་མཁན་གྱི་དགའ་བསུ་ཐོབ་པའི་བརྩམས་ཆོས་ལེགས་ཤོས་སུ་གྱུར་ཡོད། །