གན་ཆག

      

         གན་ཆག་ཅེས་པ་ནི་གཞུ་འཐེན་རོལ་མོའི་རྣམ་གྲངས་ཤིག་ཡིན་ཞིང་།དེ་བོད་དུ་ནམ་བྱུང་གི་སྐོར་ལ་བཞེད་སྲོལ་མི་འདྲ་བ་སྣ་ཚོགས་བྱུང་བ་སྟེ།"དེང་རབས་བོད་ཀྱི་རོལ་མོའི་རྣམ་བཤད་"ཅེས་པའི་རྒྱ་ཡིག་དཔེ་དེབ་ཀྱི་ཤོག་གྲངས་ཉིས་བརྒྱ་ཐམ་པའི་ནང་"གན་ཆག་གི་བྱུང་བའི་སྐོར་ལ།ད་བར་ཁུངས་བཙུན་ཙམ་ཡིན་པའི་ལོ་རྒྱུས་ཡིག་ཆ་མ་ཪྙེད་ཀྱང་།དེའི་སྐོར་ལ་ཤོད་རྒྱུན་ཁག་གཉིས་ཙམ་བྱུང་བ་སྟེ།གཅིག་ནི་རོལ་ཆ་འདི་བཞིན་ཏཱ་ལའི་བླ་མ་ལྔ་པ་ཆེན་པོའི་སྐབས་ལ་དྭགས་ནས་བོད་དུ་དར་བར་བཤད་ཅིང་།དེའི་གཞི་འཛིན་ས་ནི་གན་ཆག་འདི་བཞིན་ཨ་རབ་མི་རིགས་ཀྱི་རོལ་མོའི་བྱེ་བྲག་ཅིག་ཡིན་སྟབས།ལ་དྭགས་དབྱི་སི་ལན་ཆོས་ལུགས་ཅན་དུ་བསྒྱུར་རྗེས་ཨ་རབ་རིག་གནས་དང་དུ་བླངས་པ་དང་སྦྲགས་གན་ཆག་ཀྱང་ཁྱིམ་མཚེས་དབྱི་སི་ལན་རྒྱལ་ཁབ་ནས་ལ་དྭགས་དང་དེ་ནས་རིམ་བཞིན་བོད་ལ་དར་འདོད་པ་དང་།ཅིག་ཤོས་ནི་བོད་རང་སྐྱོང་ལྗོངས་རིག་དངོས་དོ་དམ་ཨུ་ཡོན་ལྷན་ཁང་གིས་རོལ་མོའི་བྱ་བྲག་དེའི་སྐོར་ལ་བཞག་པའི་ཆོད་སྡོམ་སྙན་ཞུའི་ནང་རོལ་མོ་འདི་བཞིན་རྒྱ་བཟའ་ཝུན་ཤིང་ཀོང་ཇོས་བོད་དུ་བསྣམས་ཕེབས་"ཞེས་འཁོད་ཡོད།      །